АҚШ Кубага қарши санкцияларни кучайтиради — Рубио
Санкциялар Трамп томонидан имзоланган янги фармон асосида кучайтирилмоқда.
АҚШ Давлат котиби Марко Рубио Вашингтон Кубага қарши бир томонлама санкцияларни янада кучайтиришни режалаштираётганини маълум қилди.
У Рим шаҳрида журналистлар билан мулоқот чоғида АҚШ аллақачон янги чекловларни жорий қилганини ҳамда бу йўналишда қўшимча чоралар кўрилишини билдирган.
Маълум қилинишича, янги санкциялар Куба иқтисодиётининг қарийб 40 фоизини назорат қилувчи GAESA конгломерати, унинг раҳбари ҳамда никель қазиб олиш билан шуғулланувчи MOA Nickel SA қўшма корхонасига нисбатан қўлланилган.
АҚШ томонига кўра, ушбу чекловлар Дональд Трамп томонидан 1 май куни имзоланган фармон асосида амалга оширилмоқда. Мазкур ҳужжат Кубага қарши санкциялар режимини сезиларли даражада кучайтиришни назарда тутади.
Шунингдек, фармонда чеклов чораларининг экстратерриториал хусусиятга эга бўлиши, яъни айрим ҳолатларда учинчи давлатлар ва хорижий компанияларга ҳам таъсир қилиши мумкинлиги қайд этилган.
