Саида Мирзиёева Венеция биенналесидаги ўзбек рассоми кўргазмасида иштирок этди
Экспозициядан 1970 йилларга оид илгари намойиш этилмаган ноёб асарлар ҳам ўрин олди.
Саида Мирзиёева 61-Венеция биенналеси доирасида Palazzo Franchetti саройида ташкил этилган таниқли рассом Вячеслав Ахуновнинг “Instruments of the Mind” (“Тафаккур воситалари”) номли шахсий кўргазмаси очилиш маросимида иштирок этди.
Қайд этилишича, Вячеслав Ахунов концептуал санъат йўналишининг етакчи намояндаларидан бири ҳисобланади. Мазкур кўргазма рассом ижодининг қарийб ярим асрлик даврини қамраб олиб, унинг кенг фикрлаши ва ўзига хос бадиий қарашларини намоён этади.
Экспозициядан 1970 йилларга оид, шу пайтга қадар жамоатчиликка намойиш этилмаган ноёб асарлар ҳам ўрин олган.
Ушбу лойиҳа Ўзбекистоннинг бой бадиий салоҳияти ва замонавий санъати халқаро майдонда юксак қизиқиш уйғотаётганининг яна бир ёрқин ифодасидир.
