Жаҳон

Саудия Арабистони ҳам Эронга яширин зарбалар берган

Саудия томонидан амалга оширилган ҳужумлар март ойининг охирларида содир бўлган. Зарбалардан аввал Эрон огоҳлантирилган.

Саудия Арабистони ҳам Эронга яширин зарбалар берган

Саудия Арабистони Яқин Шарқдаги уруш фонида Эронга қарши яширин ҳарбий зарбалар берган. Бу ҳақда масаладан хабардор ғарб ва эронлик амалдорларга таяниб Reuters хабар берди.

 

Манбаларга кўра, Саудия Ҳарбий-ҳаво кучлари томонидан амалга оширилган ҳужумлар март ойининг охирларида содир бўлган. Қайд этилишича, бу зарбалар қироллик ҳудудига уюштирилган ҳужумларга жавоб тариқасида амалга оширилган.

 

Reuters нишонга олинган объектларни мустақил тасдиқлай олмаган. Саудия Арабистони Ташқи ишлар вазирлиги ва Эрон ТИВ эса бу борадаги сўровларга расмий изоҳ бермаган.

 

Агентликка кўра, ушбу ҳолат Саудия Арабистони илк бор бевосита Эрон ҳудудида ҳарбий ҳаракатларни амалга оширгани маълум бўлган вазият сифатида баҳоланмоқда. Бу эса Ар-Риёднинг ўзининг асосий минтақавий рақиби бўлган Теҳронга нисбатан янада қатъийроқ позицияга ўтаётганини кўрсатади.

 

Мақолада таъкидланишича, 28 февраль куни АҚШ ва Исроилнинг Эронга қарши бошлаган ҳаво ҳужумларидан кейин можаро бутун Яқин Шарқ бўйлаб кенгайган. Эрон Форс кўрфази ҳамкорлик кенгашига аъзо давлатларга ракета ва дронлар билан ҳужум қилган, жумладан АҚШ ҳарбий базалари, аэропортлар ва нефть инфратузилмаси нишонга олинган.

 

Шунингдек, Эроннинг Ҳормуз бўғозини ёпиши глобал савдо ва энергия бозорларига ҳам таъсир кўрсатган.

 

Reuters'нинг ёзишича, Саудия Арабистони ва БААнинг Эронга қарши ҳаракатлари Форс кўрфази давлатлари эндиликда фақат мудофаа билан чекланмай, жавоб зарбалари ҳам бера бошлаганини кўрсатмоқда. Хусусан, аввалроқ БАА ҳам Эронга яширин зарбалар йўллагани ҳақида хабар берилганди.

 

Бироқ Ар-Риёд ва Абу-Даби ёндашуви бир хил эмаслиги қайд этилган. БАА Эронга нисбатан янада кескин сиёсат юритаётган бўлса, Саудия Арабистони можаронинг янада чуқурлашиб кетишини олдини олиш мақсадида Теҳрон билан дипломатик алоқаларни сақлаб қолишга уринмоқда.

 

Манбаларга кўра, Саудия Арабистони Эронга амалга оширилган зарбалар ҳақида олдиндан маълум қилган. Шундан сўнг томонлар ўртасида фаол дипломатик музокаралар бошланиб, кескинликни камайтириш бўйича норасмий келишувга эришилган.

 

International Crisis Group эксперти Али Воизнинг фикрича, бу жараён томонлар назоратсиз эскалация катта оқибатларга олиб келишини англаганини кўрсатади.

 

Reuters маълумотига кўра, март ойининг охирида Саудия Арабистонига қарши амалга оширилган дрон ва ракета ҳужумлари сони апрель бошига келиб сезиларли камайган.

 

Шу билан бирга, Саудия Мудофаа вазирлиги 7–8 апрель кунлари қироллик ҳудудига яна 31 та дрон ва 16 та ракета учирилганини маълум қилган. Бу ҳолат Ар-Риёдни Эрон ва Ироққа нисбатан янги жавоб чораларини кўриб чиқишга ундаган.

АҚШ Яқин Шарққа яна бир авиаташувчи кемасини юборди: Арабистон денгизида 3 та авиаташувчи жамланди

АҚШ Яқин Шарққа яна бир авиаташувчи кемасини юборди: Арабистон денгизида 3 та авиаташувчи жамланди

Минтақадаги ҳарбий-денгиз кучлари таркибига 13 та эсминец ва иккита крейсер ҳам киради.

Трампнинг Хитойга сафари: Ким Чен Ин билан учрашув ўтказилиши мумкин

Трампнинг Хитойга сафари: Ким Чен Ин билан учрашув ўтказилиши мумкин

Трамп 2017–2021 йиллардаги президентлик муддати давомида Ким Чен Ин билан бир неча бор учрашган.

Умра зиёрати ортидан муаммо: 100 дан ортиқ қирғизистонлик Тошкентда қолиб кетди

Умра зиёрати ортидан муаммо: 100 дан ортиқ қирғизистонлик Тошкентда қолиб кетди

Уларнинг манзилига етиб бориши учун ҳар биридан қўшимча 400 доллар талаб қилингани айтилмоқда.

Қозоғистонда илк тажриба: сунъий интеллект қонун лойиҳасини ишлаб чиқди

Қозоғистонда илк тажриба: сунъий интеллект қонун лойиҳасини ишлаб чиқди

Ҳужжат болаларнинг рақамли ва ахборот хавфсизлигини таъминлашга қаратилган.

Коррупция можароси: Қозоғистон Президенти Миллий хавфсизлик қўмитаси раҳбарини алмаштирди

Коррупция можароси: Қозоғистон Президенти Миллий хавфсизлик қўмитаси раҳбарини алмаштирди

Бу қарор йирик давлат компаниялари раҳбарлари коррупцияга оид гумонлар билан ҳибсга олинганидан бир неча кун ўтиб қабул қилинди.

Россия меҳнат бозорида ўзбекистонликлар етакчи: тўққиз ойлик статистика эълон қилинди

Россия меҳнат бозорида ўзбекистонликлар етакчи: тўққиз ойлик статистика эълон қилинди

Тўққиз ойда 1,5 миллиондан ортиқ фуқаро ушбу мақсадда мамлакатга кирган.

Иорданияда черковга қилинган ҳужум: уч нафар эркак ўлим жазосига ҳукм қилинди

Иорданияда черковга қилинган ҳужум: уч нафар эркак ўлим жазосига ҳукм қилинди

Ҳужум 23 октябрь куни юнон православ черковида дафн маросими вақтида содир бўлганди.

Ҳиндистон–Хитой зиддияти: Деҳли тоғли ҳудудларда жанговар тайёргарликни кучайтирмоқда

Ҳиндистон–Хитой зиддияти: Деҳли тоғли ҳудудларда жанговар тайёргарликни кучайтирмоқда

Ҳиндистон–Тибет чегара полицияси таркибидаги махсус бўлинмалар яқин масофадаги жанглар, тоғли ҳудудларда ҳаракатланиш ва дронлардан фойдаланиш бўйича тайёргарликдан ўтказилмоқда.