Фарғонада автомобиль ғилдираклари ичига яширилган 20 кгга яқин наркотик моддалар фош этилди
Наркотик моддалар қўшни мамлакатдан олиб кирилган.
Фарғона вилояти Риштон тумани “Деҳқонобод” маҳалласида йирик миқдордаги наркотик моддаларнинг ноқонуний айланмаси фош этилди. Бу ҳақда Zamon.uz'га ДХХ хабар берди.
Маълум қилинишича, қўшни мамлакатдан келган “Волво” русумли юк машинасининг ғилдираклари ичига яширилган наркотик моддаларни олаётган вақтларида автомашина ҳайдовчиси ҳамда буюртмачи ҳисобланган Учкўприк туманида яшовчи, шахс ушланди.
Автомашина ғилдираклари ичига жами 3 кг 408 гр “опий” ва 16 кг 405 гр “гашиш” моддалари яширилганлиги аниқланиб, тегишли тартибда расмийлаштириб олинди.
Шунингдек, ушбу ноқонуний ишга буюртмачи шахснинг отаси ҳам алоқадор эканлиги аниқланиб, у ҳам процессуал тартибда ушланди.
Ҳозирда мазкур фуқароларга нисбатан Жиноят Кодексининг 246-моддаси 2-қисми ва 25,273-моддаси 5-қисми билан жиноят иши қўзғатилиб, “қамоқ” эҳтиёт чораси қўлланилди.
