Президент Шавкат Мирзиёевнинг Қозоғистонга амалий ташрифи якунланди
Ўзбекистон етакчиси Туркистонга амалга оширган ташрифи доирасида саммитда қатнашди, Қозоғистон ва Туркия етакчилари билан учрашувлар ўтказди.
Ўзбекистон Президенти Шавкат Мирзиёев Туркистон шаҳрига амалий ташрифини якунлаб, Тошкентга жўнаб кетди.
Ўзбекистон етакчиси Туркий давлатлар ташкилотининг норасмий саммитида иштирок этиб, унда муҳим ташаббусларни илгари сурди, ташкилот доирасида амалий ҳамкорликни кенгайтиришнинг устувор йўналишларини кўрсатиб ўтди.
Шунингдек, Ўзбекистон Президенти Қозоғистон Президенти Қасим-Жомарт Тоқаев ҳамроҳлигида Ўзбекистон томонидан барпо этилган масжидни бориб кўрди ҳамда делегациялар раҳбарлари билан биргаликда Туркистоннинг диққатга сазовор жойлари билан танишди.
Саммит доирасида Ўзбекистон раҳбари Туркия Президенти Режеп Таййип Эрдоған ва Қирғизистон Президенти Садир Жапаров билан учрашувлар ўтказди.
