Ўзбекистон

Самарқанддаги “Оқбўйра” ҳудудида кон портлатиш ишлари юзасидан депутатлик сўрови юборилди

Жорий йилнинг 15 апрель куни амалга оширилган тоғ-портлатиш ишлари натижасида фуқароларнинг уйларига зарар етган.

Самарқанддаги “Оқбўйра” ҳудудида кон портлатиш ишлари юзасидан депутатлик сўрови юборилди



Самарқанд туманидаги «Оқбўйра» туризм қишлоғи ҳудудида кон портлатиш ишлари натижасида аҳоли ҳаёти ва мол-мулкига зарар етгани, хавфсизлик талабларига риоя этилмаганлиги юзасидан депутатлик сўрови юборилди.



Ижтимоий тармоқларда тарқалган маълумотларга кўра, жорий йил 15 апрель куни амалга оширилган тоғ-портлатиш ишлари оқибатида фуқароларнинг яшаш уйларига зарар етган. Хусусан, айрим хонадонларнинг том қисмига тошлар келиб тушган, деворларда ёриқлар пайдо бўлган, эшик ва ойналар шикастланган. Шунингдек, аҳоли портлатиш ишлари олдидан тегишли тартибда огоҳлантирилмаганлиги қайд этилмоқда.



Таъкидланишича, мазкур ҳудудда кон портлатиш ишлари билан боғлиқ муаммолар илгари ҳам кузатилган бўлиб, аҳоли томонидан техник талаб ва хавфсизлик қоидаларига риоя этилмаслиги юзасидан бир неча бор мурожаатлар билдирилган. Бу эса муаммонинг тизимли тус олганини кўрсатади.



Ҳолат юзасидан Олий Мажлис Қонунчилик палатасидаги Ўзбекистон Экологик партияси фракцияси аъзоси Ботирали Шодиев томонидан Тоғ-кон саноати ва геология вазири Бобур Исламов номига депутатлик сўрови юборилди.



Сўровда кон портлатиш ишлари устидан назорат, хавфсизлик қоидаларига риоя этилиши, фуқаролар мулкига етказилган зарарларни аниқлаш ва қоплаш, шунингдек, мазкур ҳудудда ишларни тўхтатиш ёки чеклаш масалалари юзасидан аниқ маълумот тақдим этиш сўралган.



Шунингдек, келгусида бундай ҳолатларнинг олдини олиш, кон портлатиш ишларининг технологик жараёнларини такомиллаштириш ҳамда хавфсизлик чораларини кучайтириш бўйича кўрилаётган чора-тадбирлар ҳақида ҳам асослантирилган ахборот берилиши талаб этилган.

Хорижий корхоналар: Тошкент шаҳри ва вилояти етакчилик қилмоқда

Хорижий корхоналар: Тошкент шаҳри ва вилояти етакчилик қилмоқда

2026 йил 1 октябрь ҳолатига кўра, Ўзбекистонда хорижий инвестициялар иштирокидаги 22 мингдан ортиқ корхона фаолият юритмоқда.

Ўзбекистон Президенти давлат ташрифи билан Ўмонда бўлади

Ўзбекистон Президенти давлат ташрифи билан Ўмонда бўлади

Масқат шаҳрида олий даражадаги икки томонлама музокаралар ва бошқа тадбирлар бўлиб ўтади.

Фарғонада автомобиль велосипедчини уриб юборди: жабрланувчи шифохонада вафот этди

Фарғонада автомобиль велосипедчини уриб юборди: жабрланувчи шифохонада вафот этди

Ҳозирда ҳолат юзасидан терговга қадар текширув ҳаракатлари олиб борилмоқда.

Ўзбекистонда ичимликлар ишлаб чиқариш 11 фоизга ўсди: энг юқори кўрсаткич Тошкентда қайд этилди

Ўзбекистонда ичимликлар ишлаб чиқариш 11 фоизга ўсди: энг юқори кўрсаткич Тошкентда қайд этилди

Жорий йилнинг дастлабки тўққиз ойида йирик корхоналар томонидан ишлаб чиқарилган ичимликлар қиймати 25,5 трлн сўмни ташкил этди.

Тошкентда кибержиноятларда гумонланган икки гуруҳ фош этилди: 72 киши ушланди

Тошкентда кибержиноятларда гумонланган икки гуруҳ фош этилди: 72 киши ушланди

Ҳолатлар юзасидан жиноят иши қўзғатилди.

Тошкентда ҳаво сифати: 15 ноябрь тонгида яхшиланиши мумкин

Тошкентда ҳаво сифати: 15 ноябрь тонгида яхшиланиши мумкин

Ҳозирда атмосфера ҳавоси сифати Махсус комиссия томонидан доимий мониторинг қилинмоқда.

Пахта хирмони 5 млн тоннадан ошди, аммо терим давом этмоқда — вазирлик

Пахта хирмони 5 млн тоннадан ошди, аммо терим давом этмоқда — вазирлик

Қишлоқ хўжалиги вазирлиги далаларда ҳали пахта борлиги ушбу натижани шубҳа остига қўймаслигини таъкидлади.

Бир ўриндиқ сабабли можаро: Тошкентда икки эркак 3 суткага қамалди

Бир ўриндиқ сабабли можаро: Тошкентда икки эркак 3 суткага қамалди

Метрода жой бермагани учун йўловчини ҳақорат қилган ва кейинчалик унинг ортидан борган эркакларга жазо тайинланди.