Президент Шавкат Мирзиёевнинг Қозоғистонга амалий ташрифи якунланди
Олий мартабали меҳмонни Қозоғистон бош вазирининг ўринбосари — миллий иқтисодиёт вазири Серик Жумангарин ва бошқа расмийлар кузатиб қўйди.
Ўзбекистон Республикаси Президенти Шавкат Мирзиёевнинг Остона шаҳрига амалий ташрифи тадбирлари ниҳоясига етди. Бу ҳақда Президент матбуот хизмати хабар берди.
Давлат раҳбари Олий Евросиё иқтисодий кенгашининг навбатдаги йиғилишида нутқ сўзлади.
Ташриф доирасида Ўзбекистон Республикаси ва Қозоғистон Республикаси ўртасида инвестиция ва савдо соҳаларида олий даражада эришилган келишувларни амалга ошириш бўйича “йўл харитаси”ни имзолаш маросими ҳам бўлиб ўтди.
Тадбирлар якунлангач, мамлакат етакчиси Остона халқаро аэропортидан Тошкентга жўнаб кетди. Олий мартабали меҳмонни Қозоғистон Республикаси Бош вазирининг ўринбосари – миллий иқтисодиёт вазири Серик Жумангарин ва бошқа расмийлар кузатиб қўйди.
