Жиноят

Жиззах ва Фарғонада мансабдор шахслар пора билан қўлга олинди

Жиззахда ҳокимлик мансабдори ишга жойлаштириш учун, Фарғонада банк ходими кредит расмийлаштириб бериш учун пул талаб қилган.

Жиззах ва Фарғонада мансабдор шахслар пора билан қўлга олинди

Жиззах вилояти Шароф Рашидов туманида ҳокимлик мансабдор ходими ер майдони ажратиб бериш ва ишга жойлаштириш эвазига пул талаб қилгани учун ушланди. Бу ҳақда ДХХ хабар берди.

 

Маълум қилинишича, мансабдор шахс тадбиркорнинг ишончига кириб, туман мелиорация бўлими балансидаги 45 сотих ер майдонини яқин алоқалари орқали олиб беришни ва фуқаронинг 2002 йилда туғилган танишини маҳаллий МЧЖлардан бирига ишга жойлаштиришни ваъда қилган. Бунинг эвазига у 500 АҚШ доллари талаб қилган.

 

Давлат хавфсизлик хизмати ҳамда Иқтисодий жиноятларга қарши курашиш департаменти ходимлари ҳамкорлигида ўтказилган тезкор тадбирда мансабдор шахс сўралган пул маблағини олаётган вақтида ашёвий далиллар билан ушланган.

 

Терговга қадар текширув давомида у ушбу масалаларни ҳал қилиб бериш баҳонасида аввал ҳам 3,5 миллион сўм олиб, уни шахсий эҳтиёжларига сарфлаб юборгани аниқланган.

 

Яна бир ҳолатда, республикадаги хусусий акциядорлик тижорат банкларидан бирининг Фарғона банк хизматлари маркази раҳбари ҳам пора олишда қўлга тушган.

 

У тадбиркорлик фаолиятини бошламоқчи бўлган фуқаронинг ишончига кириб, банк бош офисидаги танишлари орқали 2,5 миллиард сўм кредит ажратиб беришни ваъда қилган. Эвазига кредит суммасининг 5 фоизи — 125 миллион сўм талаб қилинган.

 

Тезкор тадбир давомида банк мансабдори сўралган маблағ ҳисобидан 10 минг АҚШ долларини олаётган вақтида ашёвий далиллар билан ушланган.

 

Ҳозирда ҳар икки ҳолат юзасидан терговга қадар текширув ҳаракатлари олиб борилмоқда.

20 минг долларлик опий: Фарғонада икки нафар шахс ушланди

20 минг долларлик опий: Фарғонада икки нафар шахс ушланди

Ёзёвон туманида 1 килограмм опий гиёҳвандлик воситасини сотишга уринган икки нафар шахс қўлга олинди.

Хайрия пуллари тотализаторга тикилди: Фарғонада ёш йигит ушланди

Хайрия пуллари тотализаторга тикилди: Фарғонада ёш йигит ушланди

Йигит ижтимоий тармоқларда ёрдам сўраб мурожаат қилган фуқароларнинг маблағларини ўзлаштириш учун фирибгарлик схемасидан фойдаланган.

Бухорода зарарли APK файллар тарқатган гуруҳ ушланди: 60 дан ортиқ фуқаро жабр кўрган

Бухорода зарарли APK файллар тарқатган гуруҳ ушланди: 60 дан ортиқ фуқаро жабр кўрган

Гумонланувчилар Telegram орқали зарарли APK файлларни юбориб, қурилмалардаги банк маълумотлари ва SMS-кодларни қўлга киритган.

ЙПХ ходимини обрўсизлантирувчи видео тарқатилди: фуқаро 10 суткага қамалди

ЙПХ ходимини обрўсизлантирувчи видео тарқатилди: фуқаро 10 суткага қамалди

Судда фуқаро қилган ишидан пушаймонлигини билдириб, айбига иқрор бўлди ва бундай ҳолатни бошқа такрорламаслигини айтди.

Хорижга чиқиш тақиқини ечиб бериш ваъдаси: банк бош мутахассиси пора олаётганда ушланди

Хорижга чиқиш тақиқини ечиб бериш ваъдаси: банк бош мутахассиси пора олаётганда ушланди

Ҳолат юзасидан Жиноят кодексининг 168-моддаси билан жиноят иши қўзғатилган.

Анталия ваъдаси ортидаги жиноят: икки қиз хорижга олиб кетилаётганда тўхтатилди

Анталия ваъдаси ортидаги жиноят: икки қиз хорижга олиб кетилаётганда тўхтатилди

Ҳолат юзасидан жиноят иши қўзғатилиб, тергов ҳаракатлари олиб борилмоқда.

Ноқонуний “Умра” хизмати: икки ҳолат юзасидан жиноят иши қўзғатилди

Ноқонуний “Умра” хизмати: икки ҳолат юзасидан жиноят иши қўзғатилди

Самарқанд ва Сирдарёдаги ҳолатларда фуқаролардан “Умра” зиёратини ташкил этиш эвазига жами 4300 АҚШ доллари талаб қилинган.

Ноқонуний криптовалюта айланмаси: 683 минг долларлик операциялар аниқланди

Ноқонуний криптовалюта айланмаси: 683 минг долларлик операциялар аниқланди

Фуқаронинг лицензия олмасдан крипто-активларни ўтказиш билан шуғуллангани аниқланган.