Фарғонада Nехiа-2 ва Оniх тўқнашувида бир киши вафот этди
Фожиага Nехiа-2 ҳайдовчисининг қарама-қарши йўналишга чиқиб кетгани сабаб бўлган.
Фарғона вилоятининг Қува туманида Nехiа-2 ва Оniх русумли автомобиллар иштирокида йўл-транспорт ҳодисаси содир бўлиб, бир киши вафот этди. Бу ҳақда вилоят ЙҲХБ матбуот хизмати маълум қилди.
Ҳодиса жорий йилнинг 30 май куни соат 11:30 атрофида “Фарғона ҳалқаси” автомобиль йўлининг Қува тумани «Пахтакор» МФЙ ҳудудидан ўтган қисмида юз берган. Дастлабки маълумотларга кўра, 1977 йилда туғилган Nехiа-2 ҳайдовчиси Й.И автомобилларга газ тўлдириш шохобчасидан чиқиб, қарама-қарши йўналишга ўтган ва шу вақтда ўз йўналишида ҳаракатланиб келаётган 2000 йилда туғилган Оniх ҳайдовчиси Қ.И бошқарувидаги автомобиль билан тўқнашган.
Оқибатда Nехiа-2 ҳайдовчиси оғир тан жароҳатлари олиб, шифохонада вафот этган.
Аввалроқ, Қашқадарёда 2 та Nехiа ва юк машинаси иштирокида ЙТҲ содир бўлгани хабар қилинган эди.
