Рубио Марказий Осиёга ташриф буюради
АҚШ давлат котиби СССР вақтида Марказий Осиё мамлакатлари учун иқтисодий чекловлар — Жексон–Ваникни бекор қилишни қўллаб-қувватлади.
АҚШ Давлат котиби Марко Рубио 2026 йил охирида Марказий Осиё мамлакатларига ташриф буюришини маълум қилди. Бу ҳақда у Ваколатчилар палатаси Ташқи ишлар қўмитасидаги тинглов давомида маълум қилди, дея хабар берди TASS.
Рубионинг таъкидлашича, АҚШ маъмурияти Марказий Осиё республикалари билан савдо алоқаларини чекловчи Жексон–Ваник тузатишини бекор қилиш ташаббусини қўллаб-қувватлайди. Унинг фикрича, мазкур қарор икки томонлама ҳамкорликни ривожлантиришда муҳим аҳамият касб этади.
Шунингдек, Давлат котиби АҚШнинг C5+1 форматидаги ҳамкорлик учрашуви доирасида Марказий Осиё мамлакатлари билан музокаралар ўтказилиши режалаштирилганини билдирган. Унга кўра, у ўзи ҳам ушбу учрашувда иштирок этади.
C5+1 формати АҚШ ва Марказий Осиёнинг беш давлати — Қозоғистон, Қирғизистон, Тожикистон, Туркманистон ва Ўзбекистон ўртасидаги минтақавий ҳамкорлик механизми ҳисобланади ва 2015 йилдан буён фаолият юритиб келмоқда.
