Хитойда портлаш оқибатида 7 киши ҳалок бўлди
Ҳозирча портлаш сабаблари расман маълум қилинмаган.
Хитойнинг жанубидаги Гуангси Чжуан автоном раёнида содир бўлган портлаш оқибатида камида 7 киши ҳалок бўлди, яна 17 киши турли даражадаги тан жароҳатлари олди. Бу ҳақда Синхуа ахборот агентлиги хабар берди.
Маълумотларга кўра, ҳодиса Синъан округи ҳудудида юз берган. Воқеа жойига фавқулодда хизматлар ва қутқарув гуруҳлари жалб этилган бўлиб, қидирув-қутқарув ишлари давом эттирилмоқда.
Ҳозирча портлаш сабаблари расман маълум қилинмаган. Мутасадди идоралар томонидан ҳодиса юзасидан суриштирув ишлари олиб борилмоқда.
Эслатиб ўтамиз, жорий йил май ойида Хитойнинг Чангша шаҳридаги пиротехника маҳсулотлари ишлаб чиқарувчи корхонада юз берган портлаш оқибатида 26 киши ҳалок бўлган, 61 киши жароҳатланганди.
