ЖЧ-2026 очилиш кунида мухлис вафот этди
Дастлабки маълумотларга кўра, мухлиснинг ўлимига юрак хуружи сабаб бўлган бўлиши мумкин.
2026 йилги футбол бўйича Жаҳон чемпионатининг очилиш ўйини олдидан Мехикодаги афсонавий Azteca стадиони яқинида мухлис вафот этди.
Маҳаллий ОАВ ва ижтимоий тармоқларда тарқалган маълумотларга кўра, мухлис ўзини ёмон ҳис қилганидан сўнг воқеа жойига тиббиёт ходимлари жалб этилган. Шифокорлар томонидан юрак-ўпка реанимацияси муолажалари амалга оширилган бўлса-да, унинг ҳаётини сақлаб қолишнинг имкони бўлмаган.
Дастлабки маълумотларда вафот этган шахснинг ёши ва ҳодиса жойи бўйича турли тафсилотлар келтирилмоқда. Айрим манбаларда у 40 ёшли мухлис экани, бошқа хабарларда эса Германия фуқароси бўлган 81 ёшли эркак экани маълум қилинган.
Маълум қилинишича, мухлиснинг ўлимига юрак хуружи сабаб бўлган бўлиши мумкин. Ҳозирда тегишли хизматлар томонидан ҳолат юзасидан ўрганиш ишлари олиб борилмоқда.
Эслатиб ўтамиз, 2026 йилги FIFA Жаҳон чемпионати АҚШ, Канада ва Мексикада ўтказилмоқда. Турнир тарихда илк бор 48 та терма жамоа иштирокида ташкил этилмоқда.
