Шавкат Мирзиёев Пашинянни парламент сайловидаги ғалабаси билан табриклади
Сайлов натижалари Пашинян олиб бораётган сиёсатга ишонч ифодаси сифатида баҳоланди.
Шавкат Мирзиёев Арманистон Республикаси Бош вазири Никол Пашинянни парламент сайловларида унинг бошчилигидаги “Фуқаролик шартномаси” партияси эришган ғалаба муносабати билан самимий табриклади.
Табрикномада ушбу натижа арман халқининг Бош вазир Пашинян томонидан олиб борилаётган ички ва ташқи сиёсатга, жумладан Жанубий Кавказда тинчлик ва барқарорликни таъминлаш йўлидаги саъй-ҳаракатларга бўлган ишончининг ифодаси экани таъкидланган.
Шунингдек, Ўзбекистон Президенти икки давлат ўртасидаги дўстона муносабатлар ва ўзаро манфаатли ҳамкорликни янада ривожлантиришга ишонч билдирган.
Табрикда Никол Пашинянга мустаҳкам соғлиқ, давлат фаолиятида муваффақиятлар, Арманистон халқига эса тинчлик ва фаровонлик тилаклари билдирилган.
Эслатиб ўтамиз, Арманистонда бўлиб ўтган парламент сайловлари Никол Пашинян бошчилигидаги “Фуқаролик шартномаси” партияси 50,07 фоиз овоз билан ғолиб бўлган эди.
