Жалолиддин Машарипов Жаҳон чемпионатида иштирок этмайди
Унинг ўрнига миллий терма жамоанинг якуний рўйхатига Русланбек Жиянов киритилди.
Ўзбекистон миллий терма жамоаси футболчиси Жалолиддин Машарипов жароҳати сабаб Жаҳон чемпионатида майдонга туша олмайди.
Маълум қилинишича, футболчи узоқ муддат ўйин амалиётисиз қолган ва машғулотларда тўлиқ қатнаша олмаган. Тиббий штаб томонидан унинг тикланиши учун зарур чоралар кўрилиб, индивидуал тайёргарлик дастури асосида иш олиб борилган.
Ўтказилган тиббий текширувлар натижалари FIFA тиббий қўмитасига тақдим этилган. Ўрганишлар якунига кўра, қўмита Машариповнинг мундиалда иштирок эта олмаслиги ҳақида хулоса берган.
Унинг ўрнига терма жамоанинг якуний рўйхатига Русланбек Жиянов киритилди.
