Зомин ва Бахмал туманларида кучли сел келди
Ҳодиса оқибатида 3 та автомобиль селда оқиб кетган.
Жиззах вилоятининг Зомин ва Бахмал туманларидаги айрим тоғ ва тоғолди ҳудудларида 18 июнь куни кузатилган кучли ёғингарчилик оқибатида сел оқимлари юзага келди. Бу ҳақда ФВВ хабар берди.
Вазирлик маълумотига кўра, сел оқимлари мавжуд сел йўллари бўйлаб ҳаракатланган. Ҳодиса оқибатида сел йўлларига нотўғри қолдириб кетилган 3 та енгил транспорт воситаси сел оқимида оқиб кетган.
Қайд этилишича, фуқаролар орасида жабрланганлар йўқ. Ҳозирда вазият юзасидан тегишли хизматлар томонидан назорат ишлари олиб борилмоқда.
