Жаҳон

Россия Беларус орқали Украинага қарши янги фронт очишга уринмоқда — WSJ

Маълумотларга кўра, Кремль Беларусга молиявий босим ўтказиб, уни урушга янада фаол жалб этишга ҳаракат қилмоқда.

Россия Беларус орқали Украинага қарши янги фронт очишга уринмоқда — WSJ

 

Россия Беларусни Украинага қарши урушга янада фаол жалб этиш мақсадида Минскга босимни кучайтирмоқда. Бу ҳақда The Wall Street Journal Россия ва Европанинг амалдаги ҳамда собиқ расмийларига таяниб хабар берди.

 

Нашр маълумотларига кўра, Москва Беларус ҳудудидан Украинага қарши дрон ҳужумларини амалга ошириш, фронт чизиғини ғарбга кенгайтириш ҳамда Украина қўшинларини шарқий йўналишлардан чалғитиш имкониятларини муҳокама қилмоқда. Шунингдек, Беларусдан НАТОга аъзо қўшни давлатларга қарши гибрид операциялар учун фойдаланиш эҳтимоли ҳам кўриб чиқилаётгани айтилмоқда.

 

Манбаларга кўра, Россия жорий йил бошидан буён Минскни урушдаги ролини кенгайтиришга кўндиришга уринмоқда. Хусусан, Россиянинг Беларусдаги элчиси Борис Гризлов ва Беларус президенти Александр Лукашенко ўртасида бир қатор музокаралар бўлиб ўтган. Собиқ россиялик разведка ходимларидан бири Москва Беларусга молиявий ёрдамни қисқартириш билан таҳдид қилиб, босим ўтказганини маълум қилган.

 

Нашр таъкидлашича, Россия армияси Украина шарқида жангларни давом эттирар экан, Беларус Москва учун муҳим стратегик ҳудудга айланиши мумкин. Бундан ташқари, Россиянинг тактик ядровий қуроллари Беларус ҳудудида жойлаштирилгани вазиятни янада мураккаблаштириши қайд этилган.

 

Май ойида Россия ва Беларус қўшма ядровий машғулотлар ўтказган, Россия қўшинлари эса ядровий каллакларни Беларусдаги полигонларга кўчириш бўйича амалий ҳаракатларни намойиш этган.

 

Шунингдек, нашр Франция президенти Эммануэл Макрон май ойида Александр Лукашенко билан телефон орқали мулоқот қилиб, Беларуснинг урушдаги иштироки кучайиши мумкинлигидан хавотир билдирганини эслатган. Лукашенко бундай ниятларни рад этган бўлсада, Париждан бундай огоҳлантириш бўлганини тасдиқлаган.

 

Украина президенти Владимир Зеленский ҳам аввалроқ Россия Беларусни янги агрессив операцияларга жалб этишга уринаётганини маълум қилган эди. Унинг сўзларига кўра, Киев Россия ва Беларус ўртасидаги мулоқот тафсилотларидан хабардор бўлиб, Беларус ҳудудидан Украина ёки НАТО мамлакатларига қарши эҳтимолий ҳарбий операциялар режалаштирилаётганини кузатиб бормоқда.

 

Бироқ The Wall Street Journal манбалари Россия Беларус ҳудудидан дарҳол фойдаланишга тайёрланаётгани ҳақида аниқ аломатлар мавжуд эмаслигини, аммо бундай сценарий ҳануз кун тартибида қолаётганини қайд этган. Нашрга кўра, эҳтимолий операциялар анъанавий ҳарбий ҳужум эмас, балки НАТО мудофаасини синовдан ўтказиш ёки Украинани қўллаб-қувватлашга путур етказишга қаратилган гибрид ҳаракатлар кўринишида бўлиши мумкин.

Ғазода озиқ-овқат тарқатаётган автомобилга Исроил дрони зарба берди: уч киши ҳалок бўлди

Ғазода озиқ-овқат тарқатаётган автомобилга Исроил дрони зарба берди: уч киши ҳалок бўлди

Автомобиль болаларга озиқ-овқат ва ичимлик тарқатиш учун тўхташга тайёрланаётган пайтда ракета билан урилгани айтилди.

Ҳормуз бўғозидаги ҳужумлар кучайди: Эрон иккита ракета учирувчи қурилмани намойиш этди

Ҳормуз бўғозидаги ҳужумлар кучайди: Эрон иккита ракета учирувчи қурилмани намойиш этди

Ракета қурилмаси намойиши АҚШнинг Эрон ракета дастурини йўқ қилгани ҳақидаги баёнотлари фонида амалга оширилди.

Ўйин саноатида рекорд: GTA VI илк кунидаёқ қарийб 4 миллиард доллар даромад келтирди

Ўйин саноатида рекорд: GTA VI илк кунидаёқ қарийб 4 миллиард доллар даромад келтирди

Бу кўрсаткич 2013 йилда чиқарилган GTA V’нинг дастлабки уч кунлик 1 миллиард долларлик натижасидан қарийб тўрт баравар юқори.

Европада антибиотикларга чидамли бактерия тарқалиши хавфи ошмоқда: ЖССТ огоҳлантирди

Европада антибиотикларга чидамли бактерия тарқалиши хавфи ошмоқда: ЖССТ огоҳлантирди

Klebsiella pneumoniae сабабли юзага келган қон инфекциялари 2019–2025 йилларда 72 фоизга ошди.

Трамп йил охиригача Украина бўйича тинчлик келишувига эришмоқчи — FT

Трамп йил охиригача Украина бўйича тинчлик келишувига эришмоқчи — FT

АҚШ демократлар Конгресс устидан назоратни қўлга киритишидан аввал Россия ва Украина ўртасида келишувга эришишга шошилмоқда.

Бир кечада 275 та Украина дрони йўқ қилинди — Россия Мудофаа вазирлиги

Бир кечада 275 та Украина дрони йўқ қилинди — Россия Мудофаа вазирлиги

Бир ҳафта давомида 6 808 та Украина дронини йўқ қилинган.

Бир соатдан кам давом этган бўрон шаҳарчани вайрон қилди: уч киши ҳалок бўлди

Бир соатдан кам давом этган бўрон шаҳарчани вайрон қилди: уч киши ҳалок бўлди

Маълум қилинишича, 8 мингга яқин уй қисман ёки тўлиқ вайрон бўлган.

Европа Иттифоқидан Украинага рекорд ёрдам: 7,9 млрд евро ажратилди

Европа Иттифоқидан Украинага рекорд ёрдам: 7,9 млрд евро ажратилди

Маблағ 20 дан ортиқ ислоҳот чораларини амалга ошириш шарти билан ажратилган.