Жаҳон

Қирғизистонда Миллий хавфсизлик давлат қўмитаси раиси ўзгарди

Садир Жапаров МХДҚ раиси Жумғалбек Шабданбековни бошқа ишга ўтгани муносабати билан лавозимидан озод қилди.

Қирғизистонда Миллий хавфсизлик давлат қўмитаси раиси ўзгарди

Қирғизистон президенти Садир Жапаров мамлакат Миллий хавфсизлик давлат қўмитаси (МХДҚ) раиси Жумғалбек Шабданбековни лавозимидан озод этди. Бу ҳақда президентнинг расмий сайтида маълум қилинди.

 

Президент фармонига кўра, Шабданбековни лавозимидан озод этиш тўғрисидаги қарор унинг бошқа лавозимга ўтказилгани муносабати билан қабул қилинган.

 

Шунингдек, Садир Жапаров Қирғизистон бош прокурори Мақсат Асаналиевнинг истеъфосини қабул қилди ва уни Миллий хавфсизлик давлат қўмитаси раиси вазифасини бажарувчи этиб тайинлади.

 

“Қирғизистон Республикаси Президенти Садир Жапаров имзолаган Фармонга мувофиқ, Қирғизистон Республикаси Конституциясининг 70-моддаси 1-қисми 2-банди ва 71-моддаларига мувофиқ Максат Кубатович Асаналиeв Қирғизистон Республикаси Миллий хавфсизлик давлат қўмитаси раиси вазифасини бажарувчи этиб тайинланди. Қирғизистон Республикаси Миллий хавфсизлик давлат қўмитаси раиси лавозимига Асаналиев Максат Кубатовичнинг номзоди тасдиқлаш учун Қирғизистон Республикаси Жўқорғи Кенгашига тақдим этилади”, — дейилади хабарда.

 

Маълумот ўрнида, 2026 йилнинг февралида, Қамчибек Ташиев ишдан олинганидан кейин Шабданбеков Қирғизистон Миллий хавфсизлик давлат қўмитаси раиси вазифасини вақтинча бажарувчи этиб тайинланганди.

 

Қамчибек Ташиев ўшанда ишдан бўшатилишини кутмаганини айтган. Қирғизистон президенти эса Ташиев давлат хизматига қайтмаслигини билдирган. Жогорку Кенеш депутати Элвира Сурабалдиева собиқ МХДҚ раҳбари давлат тўнтаришига уринишни ташкил қилгани сабаб лавозимидан четлатилганини маълум қилганди.

 

Қамчибек Ташиев ҳокимиятни зўрлик билан эгаллашга тайёргарлик кўриш ҳамда мансаб ваколатини суиистеъмол қилишда айбланмоқда. Иш доирасида яна етти нафар собиқ амалдор, жумладан, собиқ бош прокурор Курманкул Зулушев ва собиқ парламент спикери Нурланбек Турғунбек уулу ҳам судланмоқда.

 

 

АҚШ Яқин Шарққа яна бир авиаташувчи кемасини юборди: Арабистон денгизида 3 та авиаташувчи жамланди

АҚШ Яқин Шарққа яна бир авиаташувчи кемасини юборди: Арабистон денгизида 3 та авиаташувчи жамланди

Минтақадаги ҳарбий-денгиз кучлари таркибига 13 та эсминец ва иккита крейсер ҳам киради.

Трампнинг Хитойга сафари: Ким Чен Ин билан учрашув ўтказилиши мумкин

Трампнинг Хитойга сафари: Ким Чен Ин билан учрашув ўтказилиши мумкин

Трамп 2017–2021 йиллардаги президентлик муддати давомида Ким Чен Ин билан бир неча бор учрашган.

Умра зиёрати ортидан муаммо: 100 дан ортиқ қирғизистонлик Тошкентда қолиб кетди

Умра зиёрати ортидан муаммо: 100 дан ортиқ қирғизистонлик Тошкентда қолиб кетди

Уларнинг манзилига етиб бориши учун ҳар биридан қўшимча 400 доллар талаб қилингани айтилмоқда.

Қозоғистонда илк тажриба: сунъий интеллект қонун лойиҳасини ишлаб чиқди

Қозоғистонда илк тажриба: сунъий интеллект қонун лойиҳасини ишлаб чиқди

Ҳужжат болаларнинг рақамли ва ахборот хавфсизлигини таъминлашга қаратилган.

Коррупция можароси: Қозоғистон Президенти Миллий хавфсизлик қўмитаси раҳбарини алмаштирди

Коррупция можароси: Қозоғистон Президенти Миллий хавфсизлик қўмитаси раҳбарини алмаштирди

Бу қарор йирик давлат компаниялари раҳбарлари коррупцияга оид гумонлар билан ҳибсга олинганидан бир неча кун ўтиб қабул қилинди.

Россия меҳнат бозорида ўзбекистонликлар етакчи: тўққиз ойлик статистика эълон қилинди

Россия меҳнат бозорида ўзбекистонликлар етакчи: тўққиз ойлик статистика эълон қилинди

Тўққиз ойда 1,5 миллиондан ортиқ фуқаро ушбу мақсадда мамлакатга кирган.

Иорданияда черковга қилинган ҳужум: уч нафар эркак ўлим жазосига ҳукм қилинди

Иорданияда черковга қилинган ҳужум: уч нафар эркак ўлим жазосига ҳукм қилинди

Ҳужум 23 октябрь куни юнон православ черковида дафн маросими вақтида содир бўлганди.

Ҳиндистон–Хитой зиддияти: Деҳли тоғли ҳудудларда жанговар тайёргарликни кучайтирмоқда

Ҳиндистон–Хитой зиддияти: Деҳли тоғли ҳудудларда жанговар тайёргарликни кучайтирмоқда

Ҳиндистон–Тибет чегара полицияси таркибидаги махсус бўлинмалар яқин масофадаги жанглар, тоғли ҳудудларда ҳаракатланиш ва дронлардан фойдаланиш бўйича тайёргарликдан ўтказилмоқда.