Венесуэлада зилзила қурбонлари сони 1 700 нафардан ошди
Зилзила оқибатида 15 866 киши уй-жойидан айрилган, қидирув-қутқарув ишлари давом этмоқда.
Венесуэлада содир бўлган иккита кучли зилзила оқибатида ҳалок бўлганлар сони 1 719 нафарга етди. Бу ҳақда мамлакат Миллий Ассамблеяси спикери Хорхе Родригес маълум қилди дейди dw.com.
Расмий маълумотларга кўра, табиий офат оқибатида 5 034 киши турли даражада тан жароҳати олган, 15 866 нафар фуқаро эса уй-жойидан айрилган.
Аввалроқ қурбонлар сони 1 450 нафар экани маълум қилинган эди. Расмийлар қидирув-қутқарув ишлари давом этаётгани сабабли ҳалок бўлганлар сони яна ортиши мумкинлигини истисно этмаяпти.
Эслатиб ўтамиз, 24 июнь куни кечқурун Венесуэлада кетма-кет иккита кучли зилзила содир бўлган. Тахминан 40 сония оралиғида қайд этилган зилзилаларнинг магнитудаси 7,2 ва 7,5 баллни ташкил этган. Уларнинг эпицентри Яракуй штатида, бир-биридан қарийб 10 километр масофада жойлашган.
