Ўзбекистон делегацияси Али Хоманаий билан видолашув маросимида иштирок этди
Олий Мажлис Қонунчилик палатаси спикери Нуриддин Исмоилов бошчилигидаги Ўзбекистон делегацияси Эронга ташриф буюрди.
3 июль куни Олий Мажлис Қонунчилик палатаси спикери Нуриддин Исмоилов бошчилигидаги Ўзбекистон делегацияси Эронга ташриф буюрди. Бу ҳақда Mehr ахборот агентлиги хабар берди.
Хабарга кўра, Эрон ва Ироқда мамлакатнинг марҳум олий раҳбари Али Хоманаий билан видолашув маросимлари 4–9 июль кунлари бўлиб ўтади.
Видолашув маросимида Туркия витсе-президенти, шунингдек, Арманистон бош вазири Никол Пашинян, Туркманистон собиқ президенти Гурбангули Бердимуҳамедов, Ироқ президенти Низар Амиди, Тожикистон президенти Эмомали Раҳмон, Грузия президенти Михаил Кавелашвили, Қозоғистон ташқи ишлар вазири Ермек Кошербаев ҳамда Қирғизистон парламенти раиси Марлен Мамталиев ҳам иштирок этиш учун Эронга ташриф буюрган.
Маълум қилинишича, Хоманаийнинг жасади “Имом Хомейний ал-Мусалла” мажмуасида сақланмоқда. Маросимларда 12 миллиондан 20 миллион нафаргача одам қатнашиши кутилмоқда.
Ташкилий ишларга зиёратчилар учун минглаб лагерлар ташкил этиш, бир миллиондан ортиқ хориждан келган меҳмонларни жойлаштириш ҳамда Теҳрон марказида одамлар оқимини бошқариш чоралари киради.
