Самарқандда эркак хотини ва божасини дўппослади
Расмий маълумотга кўра, воқеага эр-хотин ўртасида рашк сабаб келиб чиққан можаро сабаб бўлган.
Самарқанд шаҳрида яшовчи эркак рашк оқибатида келиб чиққан жанжал давомида турмуш ўртоғи ва божасига тан жароҳати етказди. Бу ҳақда Самарқанд ИИБ хабар берди.
Маълум қилинишича, ҳодиса жорий йилнинг 13 июнь куни соат 20:00 атрофида содир бўлган. Дастлабки маълумотларга кўра, 1993 йилда туғилган Д.М. турмуш ўртоғи Д.Р. билан юзага келган оилавий можаро вақтида уни урган. Можарони тинчлантириш мақсадида жанжалга аралашган божа А.А. ҳам эркакнинг тажовузига учраган.
Ҳолат юзасидан Жиноят кодексининг 126¹-моддаси 3-қисми (оилавий (маиший) зўравонлик) ҳамда 109-моддаси 1-қисми (қасддан баданга енгил шикаст етказиш) билан жиноят иши қўзғатилган.
Ҳозирда мазкур ҳолат юзасидан тергов ҳаракатлари олиб борилмоқда.
