“Теҳрон музокараларга жиддий ёндашмаяпти” – Рубио
Ҳормуз бўғозидаги кескин сабаб энергетика бозорида хавотирлар кучайган.
АҚШ давлат котиби Марко Рубио Вашингтон Эрон билан инқирозни дипломатик йўл билан ҳал этиш бўйича музокараларга ҳамон тайёрлигини, бироқ Теҳрон ҳозирча бунга жиддий ёндашмаётганини маълум қилди. У бу баёнотни Филиппин пойтахти Манилада АSEAN ташқи ишлар вазирлари йиғилиши чоғида берди.
Рубионинг айтишича, АҚШ ҳар доим дипломатияни устувор деб билган, аммо Эрон музокараларни чўзишга уринаётгани ва амалий қадамлар ташламаётгани кузатилмоқда. Унинг фикрича, музокаралар муваффақиятли бўлиши учун ҳар икки томон бирдек манфаатдор бўлиши керак.
Давлат котиби, шунингдек, Эроннинг Ҳормуз бўғози устидан назорат ўрнатиш ва халқаро кемалардан тўлов ундириш режалари "ниҳоятда хавфли претседент" яратишини таъкидлади. Унинг сўзларига кўра, агар бундай амалиётга йўл қўйилса, бошқа давлатлар ҳам халқаро денгиз йўлларига нисбатан шундай даъволарни илгари суриши мумкин, бу эса глобал савдо ва энергетика хавфсизлигига жиддий таҳдид туғдиради.
АҚШ ва Эрон ўртасидаги ҳарбий кескинлик туфайли айни дамда Қизил денгиз орқали нефть ташиш яна издан чиққан, бир нечта Саудия нефть танкерлари хавфсизлик сабаб йўналишини ўзгартирган. Бу эса жаҳон энергия бозорларида янги хавотирларни кучайтирган.
