АҚШ Испания терма жамоасидан 16 миллион доллар солиқ талаб қилди
Расмийлар терма жамоанинг ЖЧ–2026 ғолиблиги учун олган мукофот пулининг 30 фоизини солиқ сифатида ундиришни режалаштирмоқда.
АҚШ расмийлари 2026 йилги FIFА Жаҳон чемпионатида ғолиб бўлган Испания терма жамоасининг мукофот пулидан 30 фоизлик солиқ ундиришни режалаштирмоқда.
Fox News хабарига кўра, Испания терма жамоаси Жаҳон чемпионатидаги ғалабаси учун 53,5 миллион доллар мукофот пули олган. АҚШ солиқ қонунчилигига мувофиқ, ушбу маблағнинг 16,05 миллион доллардан ортиқ қисми солиқ сифатида ундирилиши мумкин.
Маълум қилинишича, FIFА одатда мусобақа ғолибларини мезбон давлатдаги солиқлардан озод қилади. Бироқ бу сафар АҚШ томони Испания терма жамоаси ягона юридик субъект эмас, балки алоҳида солиқ тўловчилардан иборат делегация сифатида баҳоланиши кераклигини таъкидлаган.
Шунингдек, АҚШ Конгресси вакиллари хорижий делегациялар мамлакат солиқ қонунчилиги талабларини олдиндан инобатга олиши лозимлигини билдирган. Айрим қонунчилар эса Испанияга нисбатан қўлланаётган юқори солиқ ставкасини танқид қилган.
Эслатиб ўтамиз, ЖЧ–2026 финалида Испания терма жамоаси Аргентинани 1:0 ҳисобида мағлуб этиб, тарихида навбатдаги жаҳон чемпионлиги унвонини қўлга киритган эди.
