Ўзбекистонда йил бошидан буён иш жойларида 146 киши ҳалок бўлди
Январь–июль ойларида меҳнат фаолияти билан боғлиқ 529 та бахтсиз ҳодиса қайд этилган.
2026 йилнинг январь–июль ойларида Ўзбекистонда меҳнат фаолияти билан боғлиқ 529 та бахтсиз ҳодиса қайд этилди. Бу ҳақда Давлат меҳнат инспекцияси маълум қилди.
Инспекция маълумотларига кўра, қайд этилган ҳодисаларнинг 24 таси гуруҳий, 372 таси оғир оқибатли, 132 таси эса ўлим билан якунланган.
Ҳисобот даврида бахтсиз ҳодисалар оқибатида жами 580 нафар фуқаро жабрланган. Уларнинг 402 нафари оғир, 22 нафари енгил тан жароҳати олган, 146 нафари эса вафот этган.
Шунингдек, ишлаб чиқаришдаги бахтсиз ҳодисалардан жабрланган фуқаролар ва уларнинг оила аъзоларига бир марталик ҳамда ойлик тўловлар кўринишида жами 11 миллиард 379 миллион сўм ундириб берилган.
Таққослаш учун, 2025 йил давомида Ўзбекистонда меҳнат фаолияти билан боғлиқ 849 та бахтсиз ҳодиса қайд этилган бўлиб, уларда 961 киши жабрланган ва 248 нафар фуқаро ҳалок бўлган.
Шундай қилиб, 2026 йилнинг дастлабки етти ойида қайд этилган бахтсиз ҳодисалар сони 2025 йилнинг тўлиқ йилидаги кўрсаткичнинг қарийб 62 фоизини, ўлимлар сони эса 63 фоизини ташкил этган.
