Ўзбекистон

Судья Азиза Мирзаева мажлисга кетаётганида ҳалокатга учрадими?

Олий суд Томди туман суди раиси вафоти юзасидан расмий муносабат билдирди.

Судья Азиза Мирзаева мажлисга кетаётганида ҳалокатга учрадими?

15 август куни Жиноят ишлари бўйича Томди туман суди раиси Азиза Мирзаева йўл-транспорт ҳодисасида ҳалок бўлганди. Ҳуқуқ фаоли Абдураҳмон Ташанов судья мажлисга кетаётганида ҳалокатга учрагани ҳақида ёзган эди. 

 

Унга кўра, 15 август — дам олиш кунига қарамай, Олий суд раҳбарияти томонидан судлов тизими учун мажлис ўтказилган ва шаҳар ҳамда туман судлари раҳбарларига ўз кабинетларида видеоконференсалоқа орқали унда иштирок этиш топширилган. 

 

Олий суд мазкур хабарларга расмий муносабат билдирди.

 

Маълум қилинишича, ижтимоий тармоқлар ва айрим ахборот манбаларида тарқалган Азиза Мирзаева дам олиш куни Олий суд раҳбарияти томонидан ўтказилиши белгиланган мажлисда иштирок этиш учун Томди туманига йўл олгани ҳақидаги маълумотлар ҳақиқатга тўғри келмайди.

 

Расмий муносабатга кўра, 2026 йил 15 август куни Олий суд томонидан ҳеч қандай мажлис белгиланмаган ва ўтказилмаган. Шунингдек, шаҳар ва туман судлари раисларининг дам олиш куни хизмат жойига келишини талаб қилувчи ҳеч қандай топшириқ берилмаган.

 

Олий суд Азиза Мирзаеванинг бевақт вафоти муносабати билан унинг оила аъзолари, фарзандлари, яқинлари ва ҳамкасбларига чуқур ҳамдардлик билдириб, ҳодисанинг келиб чиқиш сабаблари ва бошқа ҳолатларига ҳуқуқий баҳо ваколатли органлар томонидан қонунчиликда белгиланган тартибда берилишини маълум қилди.

 

Шунингдек, текширув якунига етмасдан марҳуманинг қаерга ва қандай мақсадда йўл олгани ёки ҳодиса сабаблари ҳақидаги тахминларни тасдиқланган факт сифатида тарқатиш ўринсиз экани таъкидланди.

 

Олий суд ОАВ, блогерлар ва ижтимоий тармоқ фойдаланувчиларини марҳуманинг хотираси ҳамда унинг яқинлари қайғусига ҳурмат билан муносабатда бўлишга, текширилмаган маълумот ва асоссиз тахминларни тарқатмасликка чақирди.

Хорижий корхоналар: Тошкент шаҳри ва вилояти етакчилик қилмоқда

Хорижий корхоналар: Тошкент шаҳри ва вилояти етакчилик қилмоқда

2026 йил 1 октябрь ҳолатига кўра, Ўзбекистонда хорижий инвестициялар иштирокидаги 22 мингдан ортиқ корхона фаолият юритмоқда.

Ўзбекистон Президенти давлат ташрифи билан Ўмонда бўлади

Ўзбекистон Президенти давлат ташрифи билан Ўмонда бўлади

Масқат шаҳрида олий даражадаги икки томонлама музокаралар ва бошқа тадбирлар бўлиб ўтади.

Фарғонада автомобиль велосипедчини уриб юборди: жабрланувчи шифохонада вафот этди

Фарғонада автомобиль велосипедчини уриб юборди: жабрланувчи шифохонада вафот этди

Ҳозирда ҳолат юзасидан терговга қадар текширув ҳаракатлари олиб борилмоқда.

Ўзбекистонда ичимликлар ишлаб чиқариш 11 фоизга ўсди: энг юқори кўрсаткич Тошкентда қайд этилди

Ўзбекистонда ичимликлар ишлаб чиқариш 11 фоизга ўсди: энг юқори кўрсаткич Тошкентда қайд этилди

Жорий йилнинг дастлабки тўққиз ойида йирик корхоналар томонидан ишлаб чиқарилган ичимликлар қиймати 25,5 трлн сўмни ташкил этди.

Тошкентда кибержиноятларда гумонланган икки гуруҳ фош этилди: 72 киши ушланди

Тошкентда кибержиноятларда гумонланган икки гуруҳ фош этилди: 72 киши ушланди

Ҳолатлар юзасидан жиноят иши қўзғатилди.

Тошкентда ҳаво сифати: 15 ноябрь тонгида яхшиланиши мумкин

Тошкентда ҳаво сифати: 15 ноябрь тонгида яхшиланиши мумкин

Ҳозирда атмосфера ҳавоси сифати Махсус комиссия томонидан доимий мониторинг қилинмоқда.

Пахта хирмони 5 млн тоннадан ошди, аммо терим давом этмоқда — вазирлик

Пахта хирмони 5 млн тоннадан ошди, аммо терим давом этмоқда — вазирлик

Қишлоқ хўжалиги вазирлиги далаларда ҳали пахта борлиги ушбу натижани шубҳа остига қўймаслигини таъкидлади.

Бир ўриндиқ сабабли можаро: Тошкентда икки эркак 3 суткага қамалди

Бир ўриндиқ сабабли можаро: Тошкентда икки эркак 3 суткага қамалди

Метрода жой бермагани учун йўловчини ҳақорат қилган ва кейинчалик унинг ортидан борган эркакларга жазо тайинланди.