Meta болаларга зарар етказганликда айбланиб, жаримага тортилиши мумкин
АҚШда компанияга қарши болалар ва ўсмирларни ижтимоий тармоқларда узоқроқ вақт ушлаб турадиган функциялардан фойдалангани ҳақидаги даъволар бўйича суд жараёни бошланди.
АҚШда Meta компаниясига қарши болалар ва ўсмирларга зарар етказгани ҳақидаги даъволар бўйича суд жараёни бошланди. Бу ҳақда Point.md хабар берди.
Калифорния, Колорадо, Кентукки ва Ню-Жерси штатлари Метаъни Facebook ва Инстаграмъда болалар ҳамда ўсмирларни платформаларда имкон қадар узоқроқ ушлаб турадиган функциялардан атайлаб фойдаланганликда айбламоқда.
Даъвогарлар, шунингдек, компания 13 ёшдан кичик болаларнинг ота-оналари розилигисиз маълумотларини тўплаганини таъкидламоқда. Meta эса барча айбловларни рад этмоқда.
Компаниянинг ўз ҳисоб-китобларига кўра, иш бўйича назарий жиҳатдан 1,4 триллион долларгача жарима қўлланиши мумкин. Бироқ юристлар бундай миқдордаги жарима эҳтимоли жуда пастлигини айтмоқда.
Судда Meta раҳбари Марк Сукерберг, Instagram раҳбари Адам Моссери ва компаниянинг собиқ ходимлари гувоҳлик бериши кутилмоқда.
Иш натижаси Меta'дан Facebook ва Instagram'даги айрим функцияларни ўзгартиришни ҳам талаб қилиши мумкин.
