Тошкентда интернет-наркодўкон куратори салкам 10 кг гиёҳвандлик воситаси билан ушланди
Фуқаро аввал ҳам Жиноят кодексининг икки моддаси билан судланган.
Тошкентда интернет-наркодўконида администратор ва куратор сифатида фаолият юритган фуқаро қарийб 10 килограмм гиёҳвандлик воситалари билан қўлга олинди. Бу ҳақда Ички ишлар вазирлиги хабар берди.
Маълум қилинишича, тезкор тадбирлар давомида 1989 йилда Тошкент шаҳрида туғилган, муқаддам Жиноят кодексининг 164 ва 278-моддалари билан судланган фуқаро қўлга олинган.
Шунингдек, фуқаронинг автомобили ва яшаш хонадони кўздан кечирилганда 9 килограмм 330 грамм гашиш ва 545 грамм метамфетамин аниқланиб, далилий ашё сифатида расмийлаштирилган.
ИИВ маълумотига кўра, олиб қўйилган гашиш 64 817 дозага тенг.
Ҳолат юзасидан жиноий гуруҳга нисбатан Жиноят кодексининг 273-моддаси 5-қисми билан жиноят иши қўзғатилган. Мазкур модда бўйича 20 йилгача озодликдан маҳрум қилиш жазоси белгиланиши мумкин.
