2025 йилдан машиналарга экостикерлар берилади
Бу бўйича ҳукуматнинг айрим қарорларига ўзгартириш киритилмоқда.
Унга кўра, биноларнинг томлари ва фасадларига қуёш фотоэлектр станцияларини ўрнатиш учун давлат экологик экспертизасидан ўтказиш учун лойиҳа ҳужжатларини тақдим этиш талабини бекор қилиш назарда тутилмоқда.
Шунингдек, атроф-муҳитга ва унга туташ ҳудудларга таъсир кўрсатадиган саноат корхоналарида "яшил белбоғлар" яратиш ва етиштириш бўйича тадбирлар амалга оширилади.
Бундан ташқари, “Экологик транспорт” тизимини босқичма-босқич жорий этиш муддатлари ўзгартирилади. У 2025 йил 1 мартда бошланади. Худди шу кундан бошлаб транспорт воситаларининг меъёрий ҳужжатларга мувофиқлик даражасини аниқлаш ва экологик стикерлар бериш бошланади.
