Украина бош прокурори Ирина Венедиктова Украинага бостириб киргани сабабли 38 давлат Россия устидан Халқаро жиноий судга шикоят қилганини айтди.
“Буюк Британия, Албания, Австралия, Австрия, Белгия, Болгария, Канада, Колумбия, Коста-Рика, Хорватия, Кипр, Чехия, Дания, Эстония, Финляндия, Франсия, Грузия, Германия, Греция, Венгрия, Исландия, Ирландия, Италия, Латвия, Лихтенштейн, Люксембург, Малта, Норвегия, Голландия, Янги Зеландия, Полша, Португалия, Руминия, Словакия, Словения, Испания, Швеция, Швейтсария! Биринчи бўлиб алоҳида мурожаат қилган Литвага алоҳида раҳмат!", — деб ёзади Венедиктова ижтимоий тармоқдаги саҳифасида.
Шунингдек, Британия Бош вазири Борис Жонсон ҳам Twitterʼда бу ҳақда маълум қилган.
"Бугун тунда дунёнинг 38 давлати Россиянинг Украинага ваҳшийларча бостириб кириши бўйича халқаро жиноий судга энг йирик иш қўзғатди", — деб ёзди у.
Жонсон Россия Федерацияси президенти Украинадаги жиноятлар учун жазоланишини қайд этди.
Халқаро жиноий суд россиялик сиёсатчиларни дунёнинг бошқа мамлакатларида ҳибсга олишга ордер бериши мумкин.
Маълумот учун: Халқаро жиноий суд прокурори Карим Хон Украинада рўй бераётган воқеалар - Россия босқинини тергов қилишга қарор қилган.