8 март куни Ўзбекистон ташқи ишлар вазири Абдулазиз Комилов Вашингтонда АҚШ давлат котиби Энтони Блинкен билан музокара ўтказди. Бу ҳақда ТИВ ахборот хизмати ва Давлат департаменти матбуот котиби Нед Прайс хабар берди.
Прайснинг сўзларига кўра, томонлар турли масалалар қатори Украина ва Афғонистондаги вазиятни муҳокама қилган. Блинкен Россиянинг Украинадаги махсус операцияси халқаро ҳуқуқнинг бузилиши эканини яна бир бор табриклаган. Шу билан бирга у Афғонистон ва Украинага Ўзбекистон томонидан кўрсатилаётган гуманитар ёрдамни қайд этган. Блинкен АҚШ Афғонистон яна террор марказига айланмаслиги учун барча ишни амалга оширишини таъкидлаган.
Ўзбекистон ТИВ маълумотларига кўра, шунингдек, “С5+1” шакли доирасида минтақавий ҳамкорликнинг амалий жиҳатларига алоҳида эътибор қаратилган.
Ўзбекистон делегацияси АҚШда бўлиши давомида АҚШ администрацияси вакиллари, Коньгресс аъзолари, Америка ишбилармон ва илмий доиралари вакиллари билан ҳам учрашув ҳамда музокаралар ўтказилган.
Америка — Ўзбекистон Савдо палатаси аъзолари билан учрашувда Ўзбекистон томони Америка ишбилармон доиралари вакилларига 2022-2026 йилларда Янги Ўзбекистонни ривожлантириш стратегиясининг асосий қоидалари, республикада иқтисодиётни тубдан ислоҳ қилиш бўйича кўрилаётган чора-тадбирлар билан таништирилган.
Тадбир давомида АҚШ компанияларининг республикадаги ислоҳотлар жараёнларида иштирокини кенгайтириш масалалари ҳам муҳокама қилинган. Бундан ташқари, жорий йилнинг 24-26 март кунлари бўлиб ўтган биринчи Тошкент халқаро инвестиция форуми (ТХИФ) ишида Америка компанияларининг кенг иштироки бўйича келишувга эришилган.
Аввалроқ Абдулазиз Комилов Венгрия ТИВ раҳбари билан мулоқот қилгани тўғрисида хабар берилганди.