Канада афғон судья аёлларига бошпана беришга қарор қилди. Бу ҳақда Reuters агентлиги хабар берди.
Канада иммиграция, қочқинлар ва фуқаролик масалалари вазири матбуот хизматининг агентликка маълум қилишича, жами 230 афғонга сиёсий бошпана берилади. Уларнинг орасида аёл судьяларнинг оила аъзолари ҳам бор.
Толиблар собиқ республика судьялари томонидан ҳукм қилинган жиноятчиларинг катта қисмини озод қилган бир шароитда улар ўз ҳаётига катта хавф сезмоқда.
Афғон судья аёллари 2021 йил 1 октябрь куни Грецияга эвакуация қилинган эди.
Канада ҳозирга қадар ҳукумат дастурлари орқали 3915 нафар ва гуманитар ташкилотлар орқали 2535 нафар афғонистонликка бошпана берди.
Аввалроқ Тошкент ва Кобул “Сурхон-Пули-Хумри” электр узатиш линияси қурилишини қайта тиклашни муҳокама қилгани тўғрисида хабар қилинганди.
Жаҳонгир Қўзиев