Тошкентда 1,5 миллиард сўмга яқин ноқонуний товарлар йўқ қилинди
Сўнгги пайтларда Мажбурий ижро бюроси ходимлари томонидан бир қатор ишлар амалга оширилмоқда. Хусусан, Тошкент шаҳрида 1,5 миллиард сўмга яқин ноқонуний товарлар йўқ қилинди.
Мажбурий ижро бюроси ахборот хизматининг хабар беришича, бюронинг шаҳар бошқармаси томонидан ҳуқуқни муҳофаза қилувчи ва масъул идоралар билан ҳамкорликда товар моддий бойликларларини йўқ қилиш бўйича тезкор тадбир ўтказилган.
Маълум қилинишича, бошқарма иш юритувидаги жами 87 та ижро ҳужжатлари бўйича жами 1 миллиард 120 миллион сўмлик яроқсиз дори воситалари, 195 миллион сўмлик кимёвий суюқлик ашёлари, 64 дона GSM шлюзлар, пичоқ ва бошқа мулклар, 3 дона телефон, 16 миллион сўмлик парфюмерия воситалари, 2 миллион сўмлик тамаки маҳсулотлари ва 3 миллион сўмлик автотранспорт жиҳозлари йўқ қилинган.
Аввлроқ Ангренда 15,3 миллиард сўмлик ноқонуний олиб кирилган парфюмерия воситалари ҳамда Давлат харидларига оид қонунбузилиш ҳолатлари аниқлангани ҳақида хабар берилганди.
