“Politico” нашрининг АҚШ сенаторларига таяниб берган маълумотларига кўра, чоршанба куни Пентагон раҳбарияти Конгрессга шу мазмунда ҳисобот берган. “Пентагон олий раҳбарияти Конгрессга ёпиқ эшиклар ортида Тожикистон, Ўзбекистон ва Қирғизистон билан музокаралар олиб борилаётганини маълум қилди”, – дейилади хабарда.
Гап Афғонистон билан чегарадош давлатлар ҳақида кетмоқда. Бу давлатларга антитеррор операциялар ўтказилиши учун зарур воситалар жойлаштирилади. “Бу Россиянинг минтақадаги базалари ҳам бўлиши мумкин”, – деб қўшимча қилинади хабарда.
Сенатдаги ҳарбийлар ҳисоботининг очиқ қисмида АҚШ мудофаа вазири Ллойд Остин Россия июнь ойидаёқ ёрдам таклиф этганини маълум қилди.
Бундан аввал АҚШ ва Россия генераллари Москва базаларидан фойдаланишни муҳокама қилгани хабар қилинганди. Шунингдек, АҚШ нима учун Афғонистонни тарк этгани очиқланганди.
Жаҳонгир Қўзиев