АҚШ Украинага қирувчи самолётлар етказиб берадими?
Пентагон вакили бу бўйича режаларни очиқлади.
Вашингтон Украинага қирувчи самолётлар етказиб бериш масаласини кўриб чиқмоқда. Бу ҳақда АҚШ мудофаа вазирининг сиёсий масалалар бўйича ўринбосари Колин Кол маълум қилди.
"Қирувчи самолётлар етказиб бериш кўриб чиқилмоқда, аммо бу бўйича якуний қарор қабул қилинмаган", — деган амалдор.
Унинг қўшимча қилишича, ҳозирда Вашингтон Киевнинг ўзида мавжуд бўлган самолётлар орқали низога таъсир қилишга эътибор бермоқда.
"Агар биз ҳозир Украинага тўртинчи авлод самолётларини етказиб берган тақдиримизда ҳам у бир неча йилда етиб боради. Шу сабабли мавжуд шароитларда уларга зарур кўмакни беришга ҳаракат қиляпмиз", — деб қўшимча қилган Кол.
Аввалроқ НАТО бош котиби Украинага қанча бўлса, шунча пайт ёрдам беришни ваъда қилганди.
