НАТО Украина билан ҳамкорликка содиқ қолади. Бу ҳақда альянс бош котиби Йенс Столтенберг "Қрим платформаси" саммитидаги чиқишида маълум қилди.
"Биз Украинанинг НАТО стандартларига ўтишга ёрдам бердик. Қиш оғир бўлади, кўряпмизки, уруш чўзилади. Бу сабр кураши, логистика кураши, шу сабабли биз Украинани бундан буён ҳам қўллаб-қувватлашимиз керак. Кучли ва барқарор Украина Евроатлантика хавфсизлиги гарови. Биз Киев билан қанча бўлса, шунча бирга бўлишга тайёрмиз", — деган у.
Саммитда нутққа чиққан Борис Жонсон 2014 йилда Ғарбга Қрим аннексиясини олдини олиш учун жасорат етишмаганини айтди.
Аввалроқ Германия канцлери Путин билан учрашувда Украинани НАТОга қабул қилмасликка ваъда бергани очиқланганди.