"Арсенал" стадионини кенгайтирмоқчи
Клуб даромадни оширишни хоҳламоқда.
Лoндоннинг "Арсенал" клуби ўз даромадини ошириш учун уй стадионини кенгайтириш вариантини кўриб чиқмоқда. "Эмирейтс" ўйингоҳининг сиғими бутун Англияда олтинчи ва Премьер-лигада бешинчи ўринда туради (60 704 сиғим). Клубнинг бундай қарорга келишига асосий сабаб сифатида, топ-6 ликнинг қолган жамоалари аллақачон бу борада олдинга қадам ташлаган.
Ўтган мавсумда "Арсенал"нинг уй учрашувларидан кўрган даромади 120 миллион фунтдан ошди. Аммо стадион реконструкцияси масаласида "тўпчилар" жиддий қийинчиликларга дуч келиши мумкин. Чунки, майдон баландлигини пасайтиришнинг техник имконияти йўқ. Шунинг учун ишларни бошлаш жуда мушкул.
