Баҳром Ашрафхонов Ўзбекистоннинг Грузиядаги элчиси бўлди
Ўзбекистон элчиси Грузия президентига ишонч ёрлиқларини топширди. Бу ҳақда Ташқи ишлар вазирлиги хабар бермоқда.
Ўзбекистон Республикасининг Грузиядаги фавқулодда ва мухтор элчиси (қароргоҳи Боку шаҳрида) Баҳром Ашрафхонов Грузия президенти Саломе Зурабишвилига ишонч ёрлиқларини топширди.
Суҳбат чоғида Грузия президенти Саломе Зурабишвили Ўзбекистон Республикаси президенти Шавкат Мирзиёевга энг яхши тилаклари ва ниятларини етказишни сўради, дейилади ТИВ маълумотида.
Маълумот учун, Баҳром Ашрафхонов 2020 йил апрел ойи ўрталарида Ўзбекистоннинг Озарбойжондаги элчиси лавозимига тайинланганди.
