Бали оролида фавқулодда ҳолат эълон қилинди
Минтақада кучли қурғоқчилик кузатилмоқда.
Кучли қурғоқчилик туфайли Индонезиянинг Бали оролида ҳукумат фавқулодда ҳолат эълон қилди. Режим 14 кунга белгиланди.
Бали губернаторининг айтишича, июлдан октябргача оролдаги иссиқ ҳарорат туфайли 113 қишлоқда сув танқислиги, 10 туманда эса ёнғин содир бўлган.
Аввалроқ Индонезия президенти Жоко Видодо мамлакатдаги ёнғинларни ўчиришга ҳарбийлар ва полиция жалб этилишини айтган эди.
2023 йилнинг март ойида Бали ҳукумати сайёҳларга мотоциклларни ижарага олишни, уларда тоғларга чиқишни тақиқлади. Август ойида мамлакатда келаси йилдан бошлаб хорижликлардан туристик солиқ ундирилиши маълум қилинди.
