Маълум бўлишича, 4 нафар афғонистонлик – уч эркак ва бир аёл Афғонистон элчихонасини икки соат давомида эгаллаб турди. Бундан кўзланган мақсад – Бельгия ҳукуматининг толиблар ҳукуматини тан олмасликка чақириш бўлган.
Воқеа иштирокчилари Twitter орқали мурожаат йўллаб, ушбу норозилик акцияси тинч характерга эга эканини маълум қилган. Улар шу орқали “Толибон”ни афғон халқининг қонуний вакили эмаслигига эътибор қаратишга ҳаракат қилган. “Афғонистонда қонуний ҳукумат бўлмас экан, биз толибларнинг ўтиш ҳукуматини тан олмаймиз”, – деган иштирокчилар.
Улар маҳаллий вақт билан 04:30 да элчихонага бостириб кирган ва 06:30 да маҳаллий полиция томонидан олиб чиқилган.
Бундан аввал “Толибон” БМТ сессиясида иштирок этмоқчи бўлгани ва юзлаб афғон дипломатлари тақдири номаълумлигича қолаётгани хабар қилинганди.
Жаҳонгир Қўзиев