Bloomberg: Пентагон Украинага 2 миллиард долларлик янги ҳарбий ёрдам пакетини тайёрламоқда
Маблағлар ҳаво ҳужумидан мудофаа тизимлари учун ракеталар сотиб олишга сарфланади.
Пентагон бугун Украинага ҳарбий ёрдамнинг янги пакетини, жумладан, ҳаво ҳужумидан мудофаа ўқ-дориларини 2 миллиард доллардан ортиқроқ миқдорда эълон қилмоқчи. Бу ҳақда пайшанба куни манбаларга таяниб, Bloomberg агентлиги хабар берди.
Агентлик маълумотларига кўра, гап учириш мосламалари ва Hawk ва Patriot ҳаво мудофаа тизимлари учун мўлжалланган икки турдаги илғор ракеталарга маблағ ажратиш ҳақида кетмоқда.
Кўплаб америкалик экспертлар аввалроқ Украинага 36 миллиард доллардан ортиқроқ ҳарбий ёрдам АҚШ Қуролли кучлари захираларига сезиларли таъсир кўрсатаётганини таъкидлаган эди.
