Бухорода қизил китобга киритилган чўл бўктаргиси(степной лунь) қушини сотмоқчи бўлганлар ушланди
Жорий йил 12 июль куни ижтимоий тармоқлар орқали фуқаро Р.Л томонидан Ўзбекистон Республикасининг Қизил Китобига киритилган Чўл бўктаргиси (Степной лунь) қушини интернетдаги бепул эълонлар сайти орқали сотиш ҳақидаги хабарини жойлайди.
Юқоридаги ҳолат юзасидан зудлик билан вилоят Экология ва атроф-муҳитни муҳофаза қилиш бошқармаси Биохилмахиллик бўлими мутахассислари ҳамда Экология ва атроф-муҳитни муҳофаза қилиш соҳасидаги назорат бўйича Бухоро туман инспекцияси инспекторлари томонидан назорат тадбирлари олиб борилиб, вазият ўрганилган. Суриштирувлар натижасида қуш Бухоро шахри "Яшнабод" МФЙда яшовчи фуқаро Р.Л нинг ўз хонадонида парвариш қилинаётгани маълум бўлди.
Қушни табиатга қўйиб юбориш учун Бухоро ихтисослаштирилган“Жайрон” питомнигига топширилди.
Ушбу ҳолат юзасидан фуқарога нисбатан Ўзбекистон Республикаси Маъмурий жавобгарлик тўғрисидаги кодекснинг 92 моддаси билан маъмурий баённома расмийлаштирилди.
