Чайладан 7 700 000 сўм пул ўғирлаб кетилган
Воқеа Наманган вилояти Янгиқўрғон туманида содир бўлган.
2021-йил 20-октябрь куни, Янгиқўрғон туманида яшовчи, 2000-й.т. фуқаро туман ИИБ га ариза билан мурожаат қилган. Унга кўра шу куни соат 15:00 ларда Янгиқўрғон ҳудудидаги боғида жойлашган капасига номаълум шахс эшик қулфини калит танлаш йўли билан очиб кирган. Чайла ичида бўлган ёғоч қутидан 7 700 000 сўм миқдордаги пулни ўғирлаб, воқеа жойидан қочиб кетган.
Янгиқўрғон туман ИИБ ЖҚБ бошлиғи ва тезкор вакиллари томонидан олиб борилган тезкор-қидирув ва суриштирув ҳаракатлари натижасида, жиноятни Янгиқўрғон туманида яшовчи, 1999-й.т. фуқаро содир этганлиги аниқланган.
Ҳолат юзасидан Янгиқўрғон туман ИИБ ҳузуридаги Тергов бўлинмаси томонидан 2021-йил 22-октябрь куни Жиноят кодексининг 169-моддаси 2-қисми билан жиноят иши қўзғатилган.
Аввалроқ, Шаҳрисабзда содир этилган ғайриоддий ўғирлик ҳақида хабар берган эдик.
