"Реал"нинг яқинда Чемпионлар лигасида "Манчестер Сити" устидан ғалаба қозониши футбол мухлисларини яна бир бор ҳайратга солди. Жамоа дастлаб ҳисобда ортда бориб, якунда жуда муҳим ғалабани қўлга киритди. Хўш, шу вақтга қадар Чемпионлар лигасида қайси клуб энг кўп камбекларни амалга оширган?
5 - ўрин, "Бавария"
Мюнхенликлар Чемпионлар лигасида 302 та ўйинда 24 та камбекни амалга оширган. Охиргиси ўтган йили содир бўлганди. Жамоа 5 дақиқада "Шахтёр"дан кетма-кет гол ўтказиб юборади, бироқ кейинчалик қаторасига бешта тўп киритишга муваффақ бўлади.
4 - ўрин, "Манчестер Юнайтед"
"Қизил иблислар" "Бавария"га қараганда камроқ ўйин ўтказган, аммо кўпроқ камбекларни амалга оширган: 248 та ўйинда 25 та. Жамоанинг энг муҳим камбекларидан бири 2021 йилда содир бўлди. Ўшанда жамоа "Аталанта"га 2:0 ҳисобида ютқаза туриб, кетма-кет киритилган учта тўп ҳисобига ғалабани илиб кетади.
3 - ўрин, "Манчестер Сити"
Шаҳарликлар Европа чемпионлар лигасида 134 та ўйин ўтказиб, 26 та камбек қайд этган. Охирги марта инглиз клуби "Брюгге"га имкониятни бой бера туриб, ғалабани қўлга киритган.
2 - ўрин, "Барселона"
Каталонияликлар Чемпионлар лигасида 303 та ўйинда 30 та камбек қайд этган. Каталонияликлар охирги марта жорий Чемпионлар лигасида "Бенфика" устидан иродали ғалабага эришди. Жамоа 90+6 дақиқада урилган гол эвазига португал клубидан 5:4 ҳисобида устун келди.
1 - ўрин, "Реал Мадрид"
Мадрид клуби камбеклар қироли. Жамоа 326 та ўйиннинг 34 тасида камбек қилишган. Клуб охирги марта "Манчестер Сити"дан камбек ҳисобига ғалаба қозонди.