Ҳиндистон пойтахти Деҳлида ҳавонинг ҳаддан ташқари ифлосланиши оқибатида 5-ноябрдан бошлаб бошланғич мактаблар ёпилади.
Таъкидланишича, Деҳлида ҳар қишда ҳавонинг ҳаддан зиёд ифлосланиши кузатилади. Чунки совуқ ва оғир ҳаво қурилиш чанглари, автомобил чиқиндилари ва қўшни штатларда ёнаётган экин қолдиқлари тутунини ушлаб туради. Бу эса шаҳарнинг 20 миллион аҳолиси орасида нафас олиш касалликларининг кўпайишига олиб келади.
4 ноябрь куни ҳаво сифати индекси (АҚИ) пойтахтнинг аксарият туманларида 400 баллдан юқори бўлганлиги сабабли “оғир” ёки “хавфли” деб баҳоланди. Бош вазир Арвинд Кежривал мактаблардаги вазиятни қўлга олишни ва тегишли барча чораларни кўришни буюрди.
Ҳиндистон Ифлосланишни назорат қилиш федерал кенгаши пойтахтга зарур бўлмаган юкларни олиб ўтадиган дизел юк машиналари киришини тақиқлади. Деҳли маъмурияти шу ҳафта бошида минтақадаги аксарият қурилиш ва бузиш ишларини тўхтатди.