Хабарда келтирилишича, жорий йилнинг 13 май куни Фарғона шаҳар А.Жомий кўчасида яшовчи фуқаро М.А. Фарғона вилояти ИИБ 102 қисқа рақамига мурожаат қилган ва унга таниш бўлган Ф. ва У. исмли фуқаролар уни урганлигини айтиб, қонуний чора кўришни сўраган.
Ўртада низо келиб чиқишига фуқаро М.А. ўзининг “Алабай” итини ушбу кўп қаватли уйнинг биринчи қавати орқа тарафига бойлаб қўйгани сабаб бўлган. Шунда Озодлик кўчаси 27-уйда яшовчи фуқаро С.С ушбу ҳолатга эътироз билдирган – фуқаро М.А.ни сўкиб, уриб тан жароҳати етказган. Бу терговга қадар текширув давомида маълум бўлди.
Сўнг бир нечта қўшнилар бир-бирларини хақоратлаб, тан жароҳатлари етказиб, хонадон ойналарини синдирган. Ушбу кўп қаватли уйда яшовчи бошқа фуқаролар М.А. ва С.С.нинг ўртасидаги жанжални тўхтатишга ҳаракат қилишган.
М.А.га нисбатан Ўзбекистон Республикаси Маъмурий жавобгарлик тўғрисидаги кодекснинг 183-моддаси ва 41 моддалари билан, фуқаро И.Рга нисбатан ушбу кодекснинг 41-модда ва 183-моддалари билан, фуқаро С.Сга 41-моддаси ва 52-моддаси 2-қисми ҳамда 183-моддаси билан, фуқаро Ф.С га нисбатан эса 183-моддаси билан ҳужжатлар расмийлаштириб, 24.05.2022 йил куни ЖИБ Фарғона шаҳар Судига юборилган.
Мазкур холат юзасидан ЖИБ Фарғона шаҳар суди томонидан фуқаро М.А. мурожаатига асосан ҳужжатлар ўрганиб чиқиш учун Фарғона шаҳар прокуратурасига юборилган.