FIFA Россияга қарши санкцияларни эълон қилди
Энди Россия ҳудудида ҳеч қандай халқаро турнирлар ўтказилмайди.
FIFA ўз расмий сайтида Россияга қарши бир қатор санкцияларни эълон қилди.
Унга кўра, Россия ҳудудида ҳеч қандай халқаро турнирлар ўтказилмайди. Уй учрашувлари нейтрал майдонларда ва томошабинларсиз ўтказилади.
Россия вакили бўлган делегация ҳар қандай мусобақада Россия эмас, Россия Футбол Иттифоқи (РФИ) номи остида иштирок этиши керак бўлади.
Россия жамоалари иштирокидаги ўйинларда Россия байроғи ёки мадҳияси ишлатилмайди.
Эслатиб ўтамиз, аввалроқ, уруш сабаб Европада футбол учрашувлари қолдирилиши ҳақида хабар берилганди.
