Фуқароларнинг референдум бўйича саволларига жавоб берувчи Call-марказ ишга туширилди
Бу ҳақда Марказий сайлов комиссияси маълум қилди.
Фуқароларнинг рeферендум бўйича саволларига жавоб берувчи “Call-марказ” ишга туширилди. Бу ҳақда Марказий сайлов комиссияси маълум қилди.
Қайд этилишича, Марказий сайлов комиссияси ҳузурида “1200” қисқа рақамидаги Call-марказ иш бошлади.
У ерда Ўзбекистон референдумини ўтказиш даврида жисмоний ва юридик шахсларнинг мурожаатлари тезкор ва самарали кўриб чиқилади.
Шунингдек, фуқароларга реал вақт режимида ҳуқуқий тушунтириш ва маслаҳатлар бериб борилади.
“Марказ орқали референдумга оид ўзингизни қизиқтирган барча саволларга жавоб олишингиз ҳамда мурожаатларингизни йўллашингиз мумкин”, — дейилади хабарда.
1200 қисқа рақамига қўнғироқ қилиш бепул.
