"Gentra"да қарама-қарши ҳаракатланиб, "шоу" кўрсатганлар жазоcиз қолмади
Йўл ҳаракати қоидаларини бузган 2 та "Gentra" ҳайдовчисига маъмурий баённома тузилди.
Ижтимоий тармоқда ушбу "Gentra" автомашинаси ҳайдовчилари йўл ҳаракати қоидаларини бузиб ҳаракатланганлиги акс этган видеолавҳа тарқалди.
ИИВ ЙХҲББ ахборот хизматининг хабар беришича, куни кеча жамоатчилик вакиллари иштирокида муҳокама этилиб, бундай ҳолатларни олдини олиш бўйича тарғибот ишлари амалга оширилди.
Қайд этилишича, ҳайдовчига нисбатан Ўзбекистон Республикаси Маъмурий жавобгарлик тўғрисидаги кодекснинг 194-моддасига биноан тегишли тартибда маъмурий баённома расмийлаштирилди.
"Барча ҳайдовчилардан қоидаларга риоя қилишларини, ўзи ва ўзгалар саломатлигини хавф остига қўймасликларини сўраймиз", - дейилади хабарда.
Эслатиб ўтамиз, йўл-патруль хизматининг махсус автомобили "встречний" юргани юзасидан ЙҲХББ маълумот берганди.
Аввалроқ қоидабузар автобус жарима майдончасига жойлаштирилгани, Қашқадарёдаги ЙТҲ ҳайдовчи ўлими билан якун топгани ҳамда ҳамда тез ҳаракатланган “Cobalt” машинаси “Lacetti” билан тўқнашиб, ағдарилиб кетгани ҳақида хабар берилганди.
