Қашқадарёдаги ЙТҲ ҳайдовчи ўлими билан якун топди
Қашқадарё вилояти Муборак туманидаги А380 Ғузор — Бухоро — Нукус — Бейнов халқаро автомобиль йўлининг 100-километрида аянчли йўл-транспорт ҳодисаси содир бўлди.
Маълум бўлишича, Шаҳрисабз — Бухоро йўналишида ҳаракатланиб бораётган “Isuzu” юк машинаси қарама-қарши йўналишда ҳаракатланиб келаётган “Cobalt” билан тўқнашган. Оқибатда, “Cobalt” ҳайдовчиси оғир тан жароҳатлари олиб, вафот этган.
“Isuzu” ҳайдовчиси тезликни белгиланган меъёрдан ошириб ҳаракатланган ва бошқарувни йўқотиб, йўлнинг қарама-қарши йўналишига чиқиб кетган.
Мазкур ҳодиса юзасидан Муборак тумани ИИБ ҳузуридаги тергов бўлинмаси томонидан терговолди суриштирув олиб борилмоқда.
Эслатиб ўтамиз, аввалроқ Қашқадарёда “Isuzu” билан тўқнашган “Lacetti” ёниб кетиши оқибатида 4 киши вафот этгани ҳамда тез ҳаракатланган “Cobalt” машинаси “Lacetti” билан тўқнашиб, ағдарилиб кетгани ҳақида хабар берилганди.
Баҳринисо Мадумарова
