Ангела Меркель Лиссабондаги чиқишида Россиядан газ сотиб олиш тўғрисидаги қарорига изоҳ берди. Бу ҳақда AP хабар берди.
Собиқ канцлер бу қароридан афсусланмаслигини билдирган. Унинг сўзларига кўра, ҳатто совуқ уруш йилларида ҳам Россия ишончли етказиб берувчи бўлган.
“Ўша давр шароитида Россиядан газ ўтказгичлари орқали газ сотиб олиш тўғри бўлган. чунки бу дунёнинг бошқа чеккаларидан суюлтирилган газ импорт қилишдан арзонга тушган”, – деган Меркель.
Ангела Меркель 2005-2021 йилларда Германия ҳукуматига раҳбарлик қилган. Россия-Украина можароси фонида уни Москвадан газ сотиб олгани, “Шимолий оқим” газ ўтказгичлари қурилишига розилик билдиргани учун тез-тез танқид қилишмоқда. Хусусан, Польша президенти собиқ канцлерни Европага хиёнатда айблаганди.