Ҳарбий полигонда 21 ёшли йигит портлаб кетди
Ижтимоий тармоқ саҳифаларида наманганлик 21 ёшли йигит ҳарбий хизматда портлаб кетгани ҳақида хабарлар тарқалди.
Бош прокуратуранинг расмий маълумотига кўра, 2021 йилнинг 21 август куни дала-ўқув майдонида снаряд қолдиқлари портлаши натижасида содир бўлган кўнгилсиз ҳодиса ортидан марҳумнинг ота-онаси видео орқали Президентга мурожаат қилди. Ота-она фарзанди Миллий гвардия муддатли ҳарбий хизматчиси А.Иқболжонов ҳаёт учун хавфли бўлган оғир тан жароҳатлари олиб, вафот этганини таъкидлашган.
Мазкур ҳолат юзасидан 21 август куни Чирчиқ ҳарбий прокуратураси томонидан Жиноят кодексининг 297-моддаси (атрофдагилар учун катта хавф манбайи бўлган қурол-яроғ, шунингдек, модда ва буюмлар билан муомалада бўлиш қоидаларини бузиш) билан жиноят иши қўзғатилган.
21 ёшли йигит наманганлик бўлиб, ҳозирда ушбу ҳодиса юзасидан тергов ҳаракатлари олиб борилмоқда, шу билан бирга прокурор назорати ўрнатилган.
Чўлпоной Аҳмедова
